KUMBE TUPAC ALIUWAUWA NA MKE WA SUGE KNIGHT

PRODYUZA maarufu, Suge Knight, ametoboa siri kuwa waliohusika katika mauaji ya mwanamuziki Tupac Shakur ni watu wawili akiwamo mke wake wa zamani, Sharitha.

Tupac alifariki mwaka 1996 baada ya kupigwa risasi jijini Los Angeles.

Suge ambaye alikuwa mtendaji mkuu wa ‘lebo’ ya Death Row Records iliyokuwa ikimmiliki Tupac, alisema mkewe Sharitha alishirikiana na aliyekuwa mlinzi mkuu wa studio hiyo, Reggie White Jr.

Aliongeza kuwa yeye ndiye aliyekuwa mlengwa wa tukio hilo la kupigwa risasi lakini hakuwa eneo hilo.
Taarifa iliyotolewa na mtandao wa Daily Mail ulimuhoji mwanasheria wa Suge, Thaddeus Culpepper, ambapo alisema:  “Knight amekuwa akifahamu kwa miaka mingi kuwa Reggie Wright Jr. na mke wake wa zamani, Sharitha walikuwa nyuma ya mauaji ya Tupac na walijaribu kumuua Knight.”

Kwa mujibu wa Suge, Wright pia alihusika katika mpango wa kumuua Notorious B.I.G.
Hata hivyo, bado Suge hajaweka wazi majina ya waliompiga risasi Tupac.